CamSur preparado na sa Cobra Ironman 70.3 Philippines
PILI, Cam Sur – Nagpoon nang mag-arabotan an mga atleta asin mga bisita ngonian na aldaw Huwebes, Agosto 19 para sa dakulang international event, an ikaduwang Cobra Ironman 70.3 Philippines na gigibohon sa world-class CamSur Watersports Complex o CWC ngonian na Domingo, Agosto 22.
An Ironman 70.3 Philippines sarong dakulang aktividad sa padagos na espuersos ni Gobernador LRay Villafuerte na mapa-uswag an turismo bako lang sa provincia nin CamSur pati man sa ka-enterohan sa nacion Pilipinas.
Sa sinambit na international event, dakulang marhay an ekspektasyon ni Gob. Villafuerte na dakul na naman na mga foreign asin local tourists an madirigdi na makakakontribuir sa nag-uuswag na ekonomia kan provincia.
Naiconducir na ultimong sesyon kan training sa vegetable production
PILI, CamSur – An “Care and Management of Vegetable Crops” iyo an naging mayor na tema sa ultimong sesyon kan training o Farmers Field School (FFS) para sa mga paratanom nin gulay na ginibo sa Barangay Santiago, Ciudad nin Iriga kan nakalihis na Biernes.
Obheto kan Farmers Field School na matukduan an mga paratanom kung pano an tamang pagproducir nin marhay na klaseng gulay magpoon sa pagtanom hasta sa gusihon an produkto na gamit an mga organic fertilizer na dai nakakaapektar kan kapalibotan.
Sosog sa report kan Office of the Provincial Agriculturist (OPA), maabot sa 50ng vegetable producers an padagos na nagparticipar sa training na hali man sana sa sinambit nang barangay asin sa pagtaraid na barangay na imbuwelto sa programang “Gulayan”.
Training kan corn technicians para mapadakol an produksyon kan mais
PILI, Cam Sur – 28ng corn technicians kan rehiyon Bicol, siyam kaini hali sa provincia nin CamSur an maigot na nagpaparticipar sa padagos na ginigibong Season Long Training of Trainers sa katuyuhan na mapadakol an produksyon kan mais sa enterong kabikolan.
An sinambit nang actividad nagpoon pa kan nakalihis na ultimong semana kan bulan nin Hunyo asin madurar kota sagkod sa bulan kan Septiembre, alagad pig-extendir ini sagkod sa bulan kan Oktubre na padagos na piggibo duman sa Agricultural Training Institute (ATI) sa Guinobatan, Albay.
Pagkatapos kan training kan mga corn technicians , sinda na man an ma-heras kan mga teknolohiyang nanudan sa nasambit na pagtiripon sa mga corn growers.
Training sa seaweed culture, crab fattening pigconducir sa Garchitorena
PILI, CamSur - Nagdistribuir nin mga materyales na kaipohan para sa pag- culture nin seaweeds an govierno provincial kan Camarines Sur sa paagi kan bagong muknaon na Environment Disaster Management and Emergency Response Office (EDMERO) duman sa municipio kan Garchitorena, partikular sa mga barangay kan Mansangat asin Sagrada.
Dagos nang isinabay sa pagpanao kan mga materyales an paggawad nin technical briefing sa mga recipientes tanganing maging matrayumpo an saindang programang seaweeds culture sa paagi kan hands-on training.
Saro pa sa mga naging actividad iyo an pagconducir nin seminar dapit sa crab fattening sa pangengenot kan govierno provincial sa tabang kan Bureau of Fisheries and Aquatic Recources (BFAR) asin kan ACF International (Action Against Hunger).
|
