Programang SRI padagos na pig-implementar sa CamSur
PILI, CamSur – Padagos na pigi-implementar an programang System Rice Intensification digdi sa provincia particularmente sa barangay Matacla, Goa. Nasa vegetative stage na an maabot sa 2,000 square meters nin oma na tinanoman nin paroy.
Katuyuhan kan sinambit nang techno-demo trial iyo na mai-apply an tamang teknolohiya sa pagtanom nin paroy sa paagi kan pag-gamit nin organic fertilizer.
Sa sistemeng ini, an mga paraoma makaka-menos sa sobrang gastos asin maresulta sa dakol na ingreso sa sainda.
Sosog sa report gikan sa Office of the Provincial Agriculturist (OPA), an SRI minapoon sa land preparation sagkod na sa harvesting na pigcombinar na lectures asin actual field demonstration na pigconducir sa lugar na mismong pigtanoman nin paroy.
Training sa pagproducir nin de kalidad na klaseng mais pigconducir
Pili, CamSur—Mga prospective corn seed growers asin mga seed inspectors kan provincia nagkaigwa nin tolong aldaw na training sa katuyuhan na manodan an mga bagong teknolohiya sa pagproducer nin marhay na klase nin mais kan nakalihis na semana.
Sosog sa report gikan sa Office of the Provincial Agriculturist (OPA), an duwang aldaw na training mismong ginibo sa Department of Agriculture sa San Agustin, Pili kan Agosto 24 sagkod 26 na kun sain inatendiran kan mga prospective Corn Seed Growers asin mga Seed Inspectors kan provincia.
An siring na programa padagos na pigsusuportahan ni Gobernador LRay Villafuerte sa pagtubod na ini makakatabang sa mga corn farmers tanganing madagdagan an saindang gusi.
CamSur nagpreparar na para sa CamSur Marathon
Pili, CamSur—Saro na naman na international sports event an maigot na pigprepreparan kan govierno provincial, ini iyo an “Summit Water CamSur Marathon 2010” na pigtalaan na icoconducir sa maabot na Septiembre 26.
An sinambit nang actividad saro na naman na inisyatibo ni Gobernador LRay Villafuerte sa saiyang padagos na espuersos na mas pang mapauswag an industriya kan turismo digdi sa provincia.
Magiromdoman na an CamSur napiling numero uno sa listahan bilang tourist destination kan nasyon kan taon 2009 na kun sain nakabugtak an pinakamodernong cable park sa kinaban, an CamSur Watersports Complex (CWC).
Makumsuwelo an karawat Kan Alaska Ironkids Phils.
PILI, CamSur – IRONKIDS! Mga batbat na kaakian
Iyan an apod sa 62 na mga kaakian na gabos tuminarapos kan Alaska Ironkids Philippines na ginibo sa CamSur Watersports Complex, o CWC, kasubagong aga.
An Ironkids ginibo katakod kan ika-duwang kabtang kan Cobra Ironman 70.3 Philippines na pigdara sa provincia nin Camarines Sur resulta kan espuersos ni Gobernador LRay Villafuerte sa pakikipagtabangan kan Alaska Milk Corp asin Asia Brewery sa katuyuhan na magka-igwa nin “healthy and active lifestyle” an mga Pilipino, an sabi ni Gob. LRay asin ni Wilfred Steven Uytengsu, Jr. and chief executive officer asin presidente kan Alaska.
Maski na ngani pinalipot sana an distancia para sa mga kaakian poon edad 6 hasta 14 anyos, and karawat kan Ironkids halos kasing dificil man sana sa regular na triathlon.
|
