Gob. LRay elihidong executive vice president kan League of Provinces

PILI, CamSur – Nagsumpa sa atubangan ni Presidente Noynoy Aquino si Gobernador LRay Villafuerte bilang executive vice president, kaibahan kan iba pang opisyales kan League of Province of the Philippines, o LPP, sa ginibong oath-taking ceremony sa Heroes Hall kan Palasyo Malacañang kan nakaaging Martes, Julyo 20.

Si Gobernador Villafuerte iyo pa man an napili bilang representante kan LPP sa Union of Local Authorities of the Philippines (ULAP).

An League of Provinces iyo an opisyal na organisasyon kan mga gobernador kan gabos na provincia kan Pilipinas na mandato kan R.A. 7160 o Local Government Code of the Philippines, kun sain si Gobernador Villafuerte nagserbi na man bilang deputy secretary general poon 2004 kan enot siyang na-elihir bilang gobernador hasta kan 2007 asin mismong national chairman poon kan 2007 hasta natapos an ika-duwa niyang turno ngonian na 2010.

An mga halangkaw na opisyales kan LPP na kasarabay nag-sumpa ni Gobernador Villafuerte iyo sinda Gob. Alfonso Umali kan Oriental Mindoro bilang presidente, si Gob. Chavit Singson kan Ilocos Sur bilang chairman,

An pagkakapili ki Gobernador Villafuerte sa mga haralangkaw asin importanteng posisyon sa organisasyon nin mga local na administrador sa nacion lalo sanang mina-kumpirmar kan mahiwas na popularidad asin makusog na liderato kan Bicolanong gobernador. (GBClaveria/MMEC)

Comments (0)