Panibagong mga benepisyaryo na naman an naka-avail nin libreng CT scan sa Camarines Sur Provincial Medical Center sa banwaan nin Bula. Saro na digdi si Nanay Maxima Delmiguez na taga Sagrada, Bula. Chest asin abdominal CT scans an saiyang tig-avail tanganing i-monitor an saiyang presenteng kamugtakan matapos siyang maoperahan kan nakalihis na taon sa breast cancer.

Segun ki Rebecca Delmiguez, nag-aataman sa saiyang biyanan, tulong beses na sindang naka-avail nin libreng CT scan na programa kan Gobyerno Probinsyal. Dakulang tipid subuot kaini huli ta an magagastos kutang 19,500 para sa CT scans sa pribadong ospital, ipapambakal na sana para sa ibang pangangaipuhan ni Nanay Maxima.

"Sa katulad namin na wala naman ganoong kalaking pera, napakalaking tulong nito. Napakagaan na ngayon magpagamot dahil may mga libre na. Wala nang masyadong iisipin kasi may mga tumutulong katulad nito. Sobrang laking tulong nito," pagpapasalamat ni Rebecca.