Serbisyo Caravan in Sagñay and job fair 💓🫶
Apr 29, 2025
Segun sa mga taga Sagñay, dakulang bagay na dae nakakalingaw an Gobyerno Probinsyal na maghatod nin mga maninigong tabang sa bilog na probinsya. 
Ini matapos na liwat darahon kan Kapitolyo an Serbisyo Caravan sa saindang banwaan tanganing magheras nin manlaen-laen serbisyo arog kan medical, opthal, asin dental mission, libreng haircut, nail grooming, malinig na inumong tubig, asin pagkakan, Murang Bigas program, asin igwa pang job fair. 
An Serbisyo Caravan sige-sige an paglibot sa bilog na probinsya dara an mga programang orog na makakatabang sa satuyang mga kahimanwa. 
